மனித உயிரை விட வேறு எதுவும் முக்கியமில்லை.. மனிதாபிமானம் இந்த நாட்டின் சாராம்சம் - குஷ்பு ட்வீட்

உத்தர பிரதேசத்தில் ஒன்றிய அரசின் புதிய வேளாண் சட்டங்களுக்கு எதிராக தொடர் போராட்டங்கள் நடைபெற்று வருகிறது.

உத்தர பிரதேசத்தில் நேற்று நடைபெற்ற வன்முறையில் 4 விவசாயிகள் உள்பட 9 பேர் பலியாகினார். இந்த வன்முறை சம்பவத்திற்கு அரசியல் கட்சி தலைவர்கள், விவசாயிகள் பலர் கண்டனத்தை தெரிவித்து வருகின்றனர்.

இந்நிலையில் உத்தர பிரதேசம் வன்முறை சம்பவம் குறித்து நடிகை குஷ்பு வெளியிட்டுள்ள ட்விட்டர் பதிவில், “உத்தர பிரதேசத்தில் விவசாயிகள் மீது வாகனத்தை ஏற்றி 8 பேரை கொன்றது கடுமையான குற்றம். எந்த விதத்திலும் இதனை ஏற்றுக்கொள்ள முடியாது. தொடர்புடையவர்கள் யாராக இருந்தாலும் வழக்குப்பதிவு செய்து கடும் நடவடிக்கை வேண்டும். மனித உயிரை விட வேறு எதுவும் முக்கியமில்லை. மனிதாபிமானம் இந்த நாட்டின் சாராம்சம்” என்று பதிவிட்டுள்ளார்.