விண்வெளி நிலைய பணிகளுக்கு.. ராக்கெட் மூலம் 3 பேரை அனுப்பியுள்ள சீனா!
![china](https://a1tamilnews.com/static/c1e/client/82560/uploaded/3d0567b2704f8acae2a8abb61eebdca3.jpg)
ராக்கெட் மூலம் 3 பேரை தனது விண்வெளி ஆராய்ச்சி நிலையமான டியான்காங்க்கு சீனா அனுப்பியதுள்ளது.
2021-ம் ஆண்டு முதல் சீனாவின் விண்வெளி ஆராய்ச்சி மையம் ரஷ்யாவின் உதவியுடன் தியாங்காங் விண்வெளி நிலையத்தை வெற்றிகரமாக விண்ணில் செலுத்தியது. அதன்பிறகு, விண்வெளியை ஆராயும் முயற்சியில் ஒரு பரிசோதனையாக டியாங்காங் விண்வெளி நிலையத்திற்கு விண்வெளி வீரர்களை சீனா அனுப்பியுள்ளது.
இந்த நிலையில் போட்டி நாடுகளில் அதிகரித்து வரும் விண்வெளியின் ஆதிக்கம் காரணமாக சீனா முழு வீச்சில் விண்வெளி ஆராய்ச்சியில் ஈடுபடத் தொடங்கியுள்ளது. முதலில், வடமேற்கு சீனாவில் உள்ள ஜியுகுவான் செயற்கைக்கோள் ஏவுதளத்தில் இருந்து டியாங்காங் நிலையத்திற்கு லாங் மார்ச்-2 எஃப் ராக்கெட் ஏவப்பட்டது.
சீன விண்வெளி வீரர் டாங் ஹாங்போ (48) ஷென்சோ-17 விண்கலத்தை சுமந்து செல்லும் ராக்கெட்டில் சீனாவின் லட்சிய திட்டத்திற்கு தலைமை தாங்குகிறார்.
முன்னாள் சீன விமானப்படை போர் விமானி, அவர் ஆராய்ச்சிக்காக டியாங்காங் நிலையத்தில் 6 மாதங்கள் செலவிடுவார். அவருடன் டெங் செங்ஜி (33), ஜின்லின் (35) ஆகிய இரு இளம் வீரர்களும் இருந்தனர். இவர்கள் இருவருக்கும் இதுவே முதல் விண்வெளி பயணம் என்பது குறிப்பிடத்தக்கது.