லண்டன் - சென்னை விமான சேவை என்னாச்சு? ஒன்றிய அமைச்சருக்கு கலாநிதி வீராசாமி எம்.பி கோரிக்கை!!

சென்னையிலிருந்து லண்டனுக்கு இருந்த நேரடி விமான சேவை கோவிட் காலத்தில் நிறுத்தப்பட்டது.மும்பை, டெல்லி, பெங்களூரு நகரங்களுக்கு லண்டன் நேரடி விமான சேவை மீண்டும் தொடங்கப்பட்ட நிலையில், சென்னை - லண்டன் நேரடி சேவை இன்னும் தொடங்கப்படவில்லை.

லண்டன் - சென்னை விமான சேவையை உடனடியாகத் தொடங்க வேண்டும் என்று இங்கிலாந்து பாராளுமன்றத்தில் உறுப்பினர் சர் ஸ்டீபன் டிம்ஸ் கோரிக்கை வைத்தார். இதை குறிப்பிட்டு வட சென்னை நாடாளுமன்ற உறுப்பினர் டாக்டர்.கலாநிதி வீராசாமி ஒன்றிய விமானத் துறை அமைச்சர் கிஞ்­சாப்பு இராம் மோகன் நாயுடுவுக்கு கோரிக்கை விடுத்துள்ளார்..

”லண்­ட­னில் வாழும் 3 லட்­சத்­திற்­கும் மேலான தமி­ழர்­க­ளின் அமைப்பு (பெட­ரே­ஷன்), லண்­டன் - சென்­னைக்கு நேரடி விமான சேவையை வழங்க வற்­பு­றுத்தி வரு­கின்­றது. கோவிட்-19 பெருந்­தொற்று பாதிப்­புக்கு முன்பு சென்னை - லண்­டன் நேரடி விமான சேவை இருந்து வந்­துள்­ளது. கோவிட்-19 பாதிப்­பின் போது நிறுத்­தப்­பட்ட இந்த விமான சேவை மீண்­டும் துவங்­கப்­ப­டா ­மல் இருப்­பது வருத்­தத்­திற்­கு­ரி­யது.

சென்னை மாந­க­ரம், லண்­டன் நக­ரு­டன் கலை, பண்­பாட்டு வழி­யி­லும், முக்­கிய வியா­பார தள­மா­க­வும் இணைந்­துள்­ளது. தமிழ்­நாட்­டைச் சேர்ந்த இலட்­சக்­க­ணக்­கான தமி­ழர்­கள் அங்கு பணி நிமித்­த­மா­க­வும், மேல்­கல்வி பயில்­வ­தற்­கா­க­வும் இங்­கி­லாந்து நாட்­டிற்கு குடி­பெ­யர்ந்து வாழ்ந்து வரு­கின்­ற­னர். இந்­நி­லை­யில், மீண்­டும் நேரடி சேவை­யைத் தொடங்­கி­னால், அது நேரடி வர்த்­த­கத்தை மேலும் ஊக்­கப்­ப­டுத்தி வளர்ச்சி பெறச் செய்­யும். அங்கு வாழும் தமி­ழர்­க­ளுக்­கும் மிகுந்த பய­னுள்­ள­தாக இருக்­கும். சென்னை - லண்­டன் நேரடி விமான சேவையை உட­ன­டி­யா­கத் துவக்க நட­வ­டிக்கை எடுக்­கும்­படி கேட்டுக்கொள்கிறேன்” என்று  கடிதம் மூலம் கோரிக்கை விடுத்துள்ளார்