தக்காளி விலை மீண்டும் உயர்வு.. அதிர்ச்சியில் இல்லத்தரசிகள்!

தக்காளி வரத்து குறைந்ததால் இன்று கிலோவுக்கு 10 ரூபாய் உயர்ந்து, ஒரு கிலோ தக்காளி 30 ரூபாய்க்கு விற்பனையாகிறது.

கோயம்பேடு மார்க்கெட்டுக்கு தமிழ்நாட்டின் ஒட்டன்சத்திரம், தேனி, திண்டுக்கல், ஓசூர் உள்ளிட்ட பகுதிகளில் இருந்தும் காய்கறி வரவழைக்கப்பட்டாலும் பெருமளவு காய்கறி வரத்து கேரளா, ஆந்திரா, கர்நாடகா போன்ற அண்டை மாநிலங்களில் இருந்தே வருகின்றது. தென்மேற்கு பருவமழை காரணமாக தக்காளி வரத்து குறைந்ததால் கிலோவுக்கு ரூ.200 வரை விற்பனையானது. 

இந்த நிலையில், கடந்த சில வாரங்களாக தக்காளி வரத்து அதிகரித்ததால் கணிசமாக குறைந்து விற்பனையானது. சென்னை கோயம்பேடு காய்கறி சந்தையில் காய்கறிகள் விலை சற்று உயர்ந்து விற்பனை செய்யப்பட்டு வருகிறது. அந்த வகையில் வெண்டைக்காய் ஒரு கிலோ 30 ரூபாய்க்கும், பூசணி ஒரு கிலோ 20 ரூபாய்க்கும், முள்ளங்கி ஒரு கிலோ 50 ரூபாய்க்கும், பீர்க்கங்காய் ஒரு கிலோ 40 ரூபாய்க்கும், புடலங்காய் ஒரு கிலோ 30 ரூபாய்க்கும், கோவக்காய் ஒரு கிலோ 27 ரூபாய்க்கும் விற்பனை செய்யப்பட்டு வருகிறது.

உருளைக்கிழங்கு ஒரு கிலோ 45ரூபாய்க்கும், வெள்ளரிக்காய் ஒரு கிலோ 25 ரூபாய்க்கும், முருங்கைக்காய் ஒரு கிலோ 90 ரூபாய்க்கும், கத்திரிக்காய் ஒரு கிலோ 30 ரூபாய்க்கும், பெரிய கத்திரிக்காய் ஒரு கிலோ 50 ரூபாய்க்கும், பீன்ஸ் ஒரு கிலோ 100 ரூபாய்க்கும், மாங்காய் ஒரு கிலோ 100 ரூபாய்க்கும் விற்பனை செய்யப்படுகிறது.

கொத்தவரை ஒரு கிலோ 25 ரூபாய்க்கும்,  காலிபிளவர் ஒரு கிலோ 25 ரூபாய்க்கும், கேரட் ஒரு கிலோ 35 ரூபாய்க்கும்,  முட்டைக்கோஸ் ஒரு கிலோ 15 ரூபாய்க்கும், அவரைக்காய் ஒரு கிலோ 80 ரூபாய்க்கும்,  சுரைக்காய் ஒரு கிலோ 20 ரூபாய்க்கும்,  பாகற்காய் ஒரு கிலோ 35 ரூபாய்க்கும்,  குடைமிளகாய் ஒரு கிலோ 50 ரூபாய்க்கும் விற்பனையாகிறது.

கடந்த சில நாட்களாக வெங்காயத்தின் விலை தொடர்ந்து உயர்ந்து வருகிறது.  அந்த வகையில் பெரிய வெங்காயம் ஒரு கிலோ 60 ரூபாய்க்கும்,  சின்ன வெங்காயம் ஒரு கிலோ 100 ரூபாய்க்கும் விற்பனை செய்யப்பட்டு வருகிறது. கடும் வீழ்ச்சியை சந்தித்து இருந்த தக்காளி விலையானது மீண்டும் அதிகரிக்க தொடங்கியுள்ளது. அந்த வகையில் ஒரு கிலோ தக்காளி நேற்று 20 ரூபாய்க்கு விற்பனை செய்யப்பட்ட நிலையில் தற்போது 30 ரூபாய்க்கு விற்பனை ஆகிறது. இஞ்சின் விலையானது கடந்த சில வாரங்களாக உச்சத்தில் இருந்து தற்போது படிப்படியாக குறைந்து ஒரு கிலோ இஞ்சி 120 ரூபாய்க்கு விற்பனையாகிறது.