6 முதல் 12-ம் வகுப்புகளுக்கான காலாண்டுத் தேர்வு அட்டவணை வெளியீடு.. எத்தனை நாட்கள் விடுமுறை தெரியுமா?

தமிழ்நாட்டில் 6 முதல் 12-ம் வகுப்புகளுக்கான காலாண்டுத் தேர்வு அட்டவணை வெளியாகியுள்ளது.

தமிழ்நாடு பள்ளிக்கல்வி பாடத்திட்டத்தில் 1 முதல் 12-ம் வகுப்பு வரை பயிலும் மாணவ, மாணவிகளுக்கான பள்ளி வேலைநாட்கள், தேர்வுகள், விடுமுறை உள்பட விவரங்கள் அடங்கிய கல்வியாண்டு நாட்காட்டி 2018-ம் ஆண்டு முதல் வெளியிடப்பட்டு வருகிறது.

அந்த வகையில், நடப்பு ஆண்டுக்கான அரசு, அரசு உதவி பெறும் மற்றும் தனியார் பள்ளிகளில் 6 முதல் 12-ம் வரை வகுப்புகளுக்கான காலாண்டுத் தேர்வு அட்டவணையை பள்ளிக்கல்வித் துறை வெளியிட்டுள்ளது.

அதன்படி, 6 முதல் 10-ம் வகுப்புகளுக்கான காலண்டு தேர்வு செப்டம்பர் 20-ம் தேதி தொடங்குகிறது. செப்டம்பர் 20-ம் தேதி தொடங்கும் தேர்வு 27-ம் தேதி வரை நடைபெறுகிறது. ப்ளஸ் 1, ப்ளஸ் 2 வகுப்புகளுக்கு 19-ம் தேதி முதல் 27-ம் தேதி வரை தேர்வுகள் நடக்கிறது.

தேர்வு நேரத்தை பொறுத்தவரை, 6-ம் வகுப்புகளுக்கு காலை 9.30 மணி முதல் 11.30 மணி வரையும், 7-ம் வகுப்புகளுக்கு மதியம் 1.15 மணி முதல் 3.15 வரையும், 8-ம் வகுப்புகளுக்கு 9.30 முதல் 12 மணி வரையும், 9-ம் வகுப்புகளுக்கு 1.15 முதல் 4.30 மணி வரையும், 10-ம் வகுப்புகளுக்கு காலை 9.30 மணி முதல் 12.45 வரையும் தேர்வு நடைபெறும். 

வரும் 28-ம் தேதி முதல் அக்டோபர் 2 வரை தேர்வு விடுமுறை அறிவிக்கப்பட்டுள்ளது. இம்முறை மொத்தமே ஐந்து நாட்கள் மட்டும் காலாண்டு விடுமுறையாக பள்ளிகளுக்கு விடுமுறை அறிவிக்கப்பட்டுள்ளது.