அரசு கலைக் கல்லூரி கழிப்பறையில் ஏராளமான குட்டிப்பாம்புகள்.. வெளியான அதிர்ச்சி வீடியோ..!

By A1webteam A1webteam Sep 4, 2024, 13:55 IST
Cheyyar

செய்யாறு அரசு கலைக கல்லூரியின் பெண்கள் கழிவறையில் பாம்புகள் கூட்டமாக இருக்கும் வீடியோ ஒன்று வைரலாக பரவி வருகிறது.

திருவண்ணாமலை மாவட்டம் செய்யாறு அறிஞர் அண்ணா அரசு கல்லூரி செயல்பட்டு வருகிறது. இந்த கல்லூரியில் இரண்டு ஷிப்ட்டுகளாக 8,500 மாணவ, மாணவிகள் படித்து வருகின்றனர். இந்த நிலையில் கல்லூரியின் கழிவறையில் பாம்புகள் குவிந்து கிடக்கும் மாணவ, மாணவிகள் அச்சமடைந்துள்ளனர். ஆயிரக்கணக்கான மாணவ, மாணவிகள் பயிலும் கல்லூரியின் கழிவறையை முறையாக பராமரிக்கப்படவில்லை என குற்றசாட்டு எழுந்துள்ளது. 

Cheyyar

கழிவறை அமைந்துள்ள பகுதியில் புதர் மண்டி கிடப்பதாகவும் மாணவ, மாணவிகள் குற்றச்சாட்டு தெரிவித்துள்ளனர். பெண்கள் கழிவறையில் பாம்புகள் கூட்டமாக இருக்கும் வீடியோ ஒன்று வைரலாக பரவி வருகிறது. போதிய பராமரிப்பு இல்லாததால் பெண்கள் கழிப்பறை மற்றும் அதை சுற்றிய பகுதியில் பாம்புகள் கூட்டமாக சுற்றி திரிவதாக கூறப்படுகிறது. கழிவறைகளை உடனடியாக தூய்மைப் படுத்தவும், தூய்மை பணியாளர்களை கொண்டு பராமரிக்கவும் வேண்டுகோள் விடுக்கப்பட்டு உள்ளது.

இந்த நிலையில் பாம்புகளை பிடிக்கவும், வளாகத்தை தூய்மையாக வைத்திருக்கவும் நடவடிக்கை எடுத்துள்ளதாக என கல்லூரி முதல்வர் தெரிவித்துள்ளார். தீயணைப்பு துறைக்கு தகவல் தெரிவிக்கப் பட்டு ஏற்கனவே நேற்று ஒரு பாம்பு பிடிக்கப்பட்டு உள்ளதாகவும், கழிவறையை தூய்மையாக பராமரிக்க நடவடிக்கை எடுக்கப் படுவதாகவும் கல்லூரி முதல்வர் தெரிவித்துள்ளார்.


கல்லூரி வளாகத்தில் உள்ள மைதானத்தில் தூய்மை பணி செய்யும் போது, சுற்று சுவர் ஒட்டியுள்ள கழிவறையில் பாம்புகள் புகுந்துள்ளதாகவும், கழிவறையின் பின்புறம் உள்ள புதர்களை அகற்றவும், பாம்புகளை பிடிக்க நடவடிக்கை எடுக்கப் பட்டு உள்ளதாக கல்லூரியின் முதல்வர் தெரிவித்து உள்ளார்.

From around the web