திமுக பவள விழா.. AI மூலம் உரையாற்றிய முன்னாள் முதல்வர் கலைஞர் கருணாநிதி!

திமுக பவள விழாவில் ஒரு நார்காலியில் AI மூலம் கலைஞர் அமர்ந்து பேசுவதற்கான ஏற்பாடு செய்யப்பட்டுள்ளது.

திமுக பவள விழா மற்றும் முப்பெரும் விழா இன்று சென்னையில் நடைபெற்றது. ஆண்டுதோறும் செப்டம்பர் 15-ம் தேதி முன்னாள் முதல்வர் அண்ணா பிறந்த தினம், செப்டம்பர் 17-ம் தேதி தந்தை பெரியார் பிறந்தநாள் மற்றும் திமுக தொடங்கப்பட்ட நாளாகும். இந்த மூன்றையும் இணைத்து முப்பெரும் விழா திமுக சார்பில் ஆண்டுதோறும் கொண்டாடப்பட்டு வருகிறது.

இந்தாண்டு, திமுக தொடங்கப்பட்டு 75 ஆண்டுகள் நிறைவடைந்ததையொட்டி பவளவிழா ஆண்டாக கொண்டாடப்படுகிறது. எனவே, திமுக பவள விழா மற்றும் முப்பெரும் விழா சென்னை நந்தனத்தில் உள்ள ஒய்எம்சிஏ மைதானத்தில் இன்று நடைபெறுகிறது.

விழாவில் பெரியார், அண்ணா, கருணாநிதி உள்ளிட்டோர் பெயர்களிலான விருதுகள், கட்சியில் சிறப்பாக செயல்பட்டோருக்கான பரிசுகளை முதல்வர் மு.க.ஸ்டாலின் வழங்கி உரையாற்றினார்.

கழக பவள விழாவில் நம் நெஞ்சத்தில் நிறைந்து வாழும் முத்தமிழறிஞர் கலைஞர் அவர்கள் AI மூலம் தோன்றி பேசினார்! 🥹🖤❤️#பவளவிழாவில்கலைஞர் pic.twitter.com/U367wb35sn

— DMK IT WING (@DMKITwing) September 17, 2024

திமுக முப்பெரும் விழாவில் இருபெரும் நாற்காலிகள் போடப்பட்டுள்ளன. அதில் ஒரு நார்காலியில் AI மூலம் கலைஞர் அமர்ந்து பேசுவதற்கான ஏற்பாடு செய்யப்பட்டுள்ளது. முதல்வர் மு.க.ஸ்டாலின் மற்றொரு நாற்காலியில் அமர்வார் எனத் தெரிவிக்கப்பட்டுள்ளது. இந்த விசேஷ ஏற்பாட்டால் திமுக தொண்டர்கள் உற்சாகம் அடைந்துள்ளனர்.