மகளுக்கு தந்தை செய்த கொடூரம்... நண்பர்களுடன் சேர்ந்து பாலியல் பலாத்காரம்!! திண்டுக்கல்லில் பரபரப்பு

 
Gang-rape

திண்டுக்கல்லில் பெற்ற மகளை நண்பர்களுடன் சேர்ந்து பாலியல் பலாத்காரம் செய்த சம்பவம் பரபரப்பை ஏற்படுத்தியுள்ளது.

திண்டுக்கல் நாகல் நகரில் வசித்து வருபவர் லிங்கமூர்த்தி (47). சமையல் வேலை செய்து வரும் இவருக்கு 12 வயதில் ஒரு மகள் உள்ளார். குடி பழக்கத்துக்கு அடிமையான இவருக்கும் அவரது மனைவிக்கும் இடையே அடிக்கடி சண்டை ஏற்பட்டுள்ளது. இதனால் இவரது மனைவி லிங்கமூர்த்தியை பிரிந்து தனியாக வசித்து வருகிறார். இவர் அடிக்கடி சமையல் வேலைக்கு செல்வதால் தனது 12 வயது மகளை தனது நண்பரான கண்ணன் (55) வீட்டில் தங்க வைத்து வளர்த்து வந்தார்.

Woman-GangRaped-Murdered-In-Rajasthan-Dausa-Arrested

இந்த நிலையில், குடிபோதையில் லிங்கமூர்த்தி தனது நண்பர் கண்ணன் உடன் சேர்ந்து தனது  மகளை பாலியல் வன்கொடுமை செய்துள்ளனர். மேலும் பாரதிபுரம் பகுதியில் அரிசி கடை நடத்தி வரும் முகமதுரபிக் (60) என்பவரும் அந்த சிறுமிக்கு பாலியல்  வன்கொடுமை செய்துள்ளார். இதனால், சிறுமியின் உடல்நலம் கடுமையாக பாதிக்கப்பட்டது.

இதனையடுத்து மருத்துவமனைக்கு சென்ற சிறுமியை பரிசோதனை செய்த பெண் மருத்துவர் சிறுமி கர்ப்பமாக இருப்பதை கண்டுபிடித்தார். இதனை தொடர்ந்து குழந்தைகள் நல அலுவலருக்கு தகவல் தெரிவிக்கப்பட்டது. தகவலின் பேரில் சிறுமியிடம் குழந்தைகள் நல அலுவலர் விசாரணை மேற்கொண்டனர். விசாரணையில் தந்தை மற்றும் அவரது நண்பர்கள் தன்னை பாலியல் வன்கொடுமை செய்ததாக அவர் கூறினார்.

POsco

இது தொடர்பாக திண்டுக்கல் நகர் வடக்கு காவல் நிலைய போலீசார் வழக்குப் பதிவு செய்து தந்தை லிங்கமூர்த்தி மற்றும் அவரது நண்பர்களான கண்ணன் மற்றும் முகமது ரபிக் ஆகியோரை போக்சோ சட்டத்தின் கீழ் கைது செய்தனர். குடிப்பழக்கத்திற்கு அடிமையான தந்தை பெற்ற மகளை நண்பர்களுடன் சேர்ந்து கூட்டுப் பாலியல் வன்கொடுமை செய்த சம்பவம் அப்பகுதியில் பெரும் பரபரப்பை ஏற்படுத்தி உள்ளது.

From around the web