10-ம் வகுப்பு மறுகூட்டல் ரிசல்ட் இன்று வெளியீடு

தமிழ்நாட்டில் 10-ம் வகுப்பு பொதுத்தேர்வு மறுகூட்டல் முடிவுகள் இன்று வெளியிடப்படும் என்று அரசு தேர்வுகள் இயக்ககம் அறிவித்துள்ளது.

தமிழ்நாட்டில் கடந்த மே மாதம் நடைபெற்ற 10-ம் வகுப்பு பொதுத்தேர்வின் முடிவுகள் ஜூன் 20-ம் தேதி வெளியாகியது. இந்த நிலையில் 10-ம் வகுப்பு பொது தேர்வு எழுதிய மாணவர்களில், மதிப்பெண்களில் கூட்டல் பிழை இருப்பதாக கருதுவோருக்கு, மறுகூட்டல் செய்ய, அரசு தேர்வு துறை வாய்ப்பு அளித்துள்ளது.

அதன்படி மறுகூட்டலுக்கு பல லட்சம் மாணவர்கள் விண்ணப்பித்து இருந்தனர். இந்நிலையில் 10-ம் வகுப்பு பொதுத்தேர்வு மறுகூட்டல் முடிவுகள் இன்று பிற்பகல் 2 மணிக்கு வெளியிடப்படும் என்று அரசு தேர்வுகள் இயக்ககம் அறிவித்துள்ளது.

www.dge.tn.gov.in என்ற இணையதளத்தில் சென்று மாணவர்கள் தங்கள் விவரங்களை பயன்படுத்தி மறுகூட்டல் முடிவுகளை பார்த்துக்கொள்ளலாம் என்று தேர்வுத்துறை தெரிவித்துள்ளது. மறுகூட்டல் புதிய மதிப்பெண் சான்றிதழும் அன்றைய தினம் இணையதளத்தில் பதிவிறக்கம் செய்துகொள்ளலாம் என தெரிவிக்கப்பட்டுள்ளது.