பெண் குழந்தைகளுக்கு ஜாக்பாட்.. ஒன்றிய அரசு புதிய அறிவிப்பு.. உடனே தெரிந்து கொள்ளுங்கள்!

பெண் குழுந்தைகளுக்கு உதவும் வகையில் ஒன்றிய அரசு உருவாக்கி உள்ள சுகன்யா சம்ரித்தி யோஜனா திட்டத்தை பற்றிய முழு விவரங்களையும் இங்கு பார்க்கலாம்.

ஒன்றிய அரசு பெண் குழந்தைகளின் நிதி தேவைக்களுக்காக பாலிகா சம்ரித்தி யோஜனா (பிஎஸ்ஒய்), சுகன்யா சம்ரித்தி யோஜனா, சிபிஎஸ்இ உதான் யோஜனா, முக்யமந்திரி லட்லி யோஜனா, ராஜ்ஷ்ரீ யோஜமன்த்ரி யோஜனா, முக்யமந்திரி யோஜனா கன்யா சுரக்ஷா யோஜனா போன்ற திட்டங்களை செயல்படுத்தி வருகிறது. இந்நிலையில், லோக்சபா தேர்தலுக்கு முன், சிறுசேமிப்பு திட்டத்திற்கான வட்டி விகிதத்தை உயர்த்தி அரசு அறிவித்துள்ளது.

மகளின் எதிர்காலத்தை மனதில் வைத்து சுகன்யா சம்ரித்தி யோஜனாவில் முதலீடு செய்பவர்களுக்கு இது பயனளிக்கும். சுகன்யா சம்ரித்தி யோஜனா (SSY - செல்ல மகள் சேமிப்பு திட்டம்) மீதான வட்டி விகிதத்தை ஜனவரி - மார்ச் காலாண்டில் அரசாங்கம் 20 அடிப்படை புள்ளிகளால் அதிகரித்துள்ளது. நிதியமைச்சகம் வெளியிட்டுள்ள சுற்றறிக்கையின்படி வட்டி விகிதம் தற்போது 8 சதவீதத்தில் இருந்து 8.2 சதவீதமாக அதிகரித்துள்ளது. வாருங்கள் இப்போது திட்டத்தைப் பற்றி விரிவாகத் தெரிந்து கொள்வோம்.

அரசாங்க ஆதரவு திட்டமாக இருப்பதால், சுகன்யா சம்ரித்தி 100 சதவீதம் பாதுகாப்பானது. இந்த திட்டத்தின் கீழ் ஆண்டுக்கு குறைந்தபட்சம் ரூ.250 முதல் அதிகபட்சமாக ரூ.1.5 லட்சம் வரை முதலீடு செய்யலாம். இந்த திட்டம் மகள்களுக்காக மட்டுமே உருவாக்கப்பட்டது. இந்த திட்டத்தில் முதலீடு செய்வதன் மூலம் உங்கள் மகளின் எதிர்கால செலவுகளை திட்டமிடலாம். இந்தத் திட்டத்தின் கீழ், 15 ஆண்டுகள் முதலீடு செய்வதன் மூலம், மகளின் படிப்பு மற்றும் திருமணம் போன்ற செலவுகளுக்கு பணம் சேகரிக்க முடியும். நீண்ட காலத்திற்கு தொடர்ந்து முதலீடு செய்வதன் மூலம், முதிர்ச்சியில் பெரிய பணத்தை திரட்ட முடியும். சுகன்யா சம்ரித்தி கணக்கை ஏதேனும் தபால் அலுவலகம் அல்லது வங்கிக்குச் சென்று தொடங்கலாம்.

சுகன்யா சம்ரித்தி யோஜனா திட்டத்தின் கீழ், பூஜ்ஜியம் முதல் 10 வயது வரையிலான பெண் குழந்தைகளின் கணக்கை பெற்றோர் தொடங்கலாம். இந்த திட்டத்தில் ரூ.250 முதலீட்டில் கணக்கு தொடங்கலாம். இதற்கு முன் ஆண்டுக்கு 8 சதவீத வட்டி வழங்கப்பட்டு வந்தது. ஆனால் தற்போது ஜனவரி முதல் மார்ச் வரையிலான காலாண்டில் இது 8.2 சதவீதமாக அதிகரிக்கப்பட்டுள்ளது. இந்த திட்டத்தில் கூட்டும் பலன் கிடைக்கும். ஒரு பெண் குழந்தையின் பெயரில் ஒரு கணக்கு மட்டுமே தொடங்க முடியும். இதன் கீழ், நீங்கள் இரண்டு பெண்களின் கணக்கை மட்டுமே திறக்க முடியும். ஆனால் உங்களுக்கு இரண்டு பெண்கள் (இரட்டையர்கள்) ஒன்றாக இருந்தால், நீங்கள் மூன்று பெண்களுக்கு ஒரு கணக்கைத் திறக்கலாம்.

சுகன்யா சம்ரித்தி யோஜனாவில் முதலீடுகள் 80C இன் கீழ் வருமான வரியிலிருந்து விலக்கு அளிக்கப்படுகின்றன. அதன் முதிர்வு காலத்தில் பெறப்பட்ட வருமானம் முற்றிலும் வரி விலக்கு. நீங்கள் ஆண்டுக்கு ரூ.1.5 லட்சத்தை டெபாசிட் செய்தால், முதிர்வு காலத்தில் அது தோராயமாக ரூ.67 லட்சமாகிறது. இதில் சேர்ப்பதால் அளப்பரிய நன்மை உண்டு. திட்டத்தின் முதிர்வு காலம் 21 ஆண்டுகள் ஆகும். ஆனால் அதில் 15 ஆண்டுகள் முதலீடு செய்ய வேண்டும். அதாவது 6 வருட முதலீட்டை மூடிய பிறகு உங்கள் கணக்கு முதிர்ச்சியடைகிறது. புதிதாகப் பிறந்த பெண்ணுக்குக் கணக்குத் தொடங்கினால், அது 21 வயதில் முதிர்ச்சியடையும். இதேபோல், உங்கள் குழந்தைக்கு 4 வயதில் இருக்கும் போது ஒரு கணக்கைத் திறந்தால், அந்தக் கணக்கின் முதிர்வு 25 வயதில் இருக்கும். மகளுக்கு 18 வயது நிறைவடைந்த பிறகு அந்தக் கணக்கை அவரே கையாளலாம்.

சுகன்யா சம்ரித்தி யோஜனா திட்டத்தின் கீழ், ஒவ்வொரு ஆண்டும் ரூ.1.5 லட்சம் வரை டெபாசிட் செய்யலாம். நீங்கள் ஒவ்வொரு வருடமும் ரூ.1.5 லட்சம் டெபாசிட் செய்ய விரும்பினால், ஒவ்வொரு மாதமும் ரூ.12,500 டெபாசிட் செய்ய வேண்டும், அதாவது ஒரு நாளைக்கு தோராயமாக ரூ.417 ஆகும். புதிதாகப் பிறந்த பெண் குழந்தைக்காக கணக்குத் தொடங்கினால், ஒவ்வொரு மாதமும் ரூ.12,500 முதலீடு செய்வதன் மூலம், 15 ஆண்டுகளில் ரூ.22.50 லட்சத்தை முதலீடு செய்கிறீர்கள். 21 ஆண்டுகள் நிறைவடைந்ததும், மகளுக்கு முதிர்வு நேரத்தில் மொத்தம் ரூ.67,34,534 கிடைக்கும். இந்த காலகட்டத்தில் நீங்கள் சுமார் 44.85 லட்சம் ரூபாய் வட்டி பெறுவீர்கள்.

சுகன்யா சம்ரித்திக்கான முக்கிய ஆவணங்கள்:
1. பெற்றோரின் அடையாள அட்டை
2. மகளின் ஆதார் அட்டை
3. மகளின் பெயரில் வங்கி கணக்கு திறக்கப்பட்ட பாஸ்புக்
4. மகளின் பாஸ்போர்ட் அளவு புகைப்படம்
5. மொபைல் எண்