ரிலீஸ் தேதியுடன் வெளியான ‘தளபதி 69’ படத்தின் அறிவிப்பு!

By A1webteam A1webteam Sep 14, 2024, 17:21 IST
Thalapathy 69

விஜய் - எச்.வினோத் கூட்டணியில் உருவாகும் ‘தளபதி 69’ படத்தின் அதிகாரபூர்வ அறிவிப்பு தற்போது வெளியாகியுள்ளது.

நடிகர் விஜய் தற்போது வெங்கட் பிரபு இயக்கத்தில் ‘கோட்’ படத்தில் நடித்துள்ளார். இப்படம் வெளியாகி மக்களிடம் மாபெரும் வரவேற்பை பெற்று வெற்றி பெற்றுள்ளது. அடுத்ததாக விஜய் நடிக்கும் ‘தளபதி 69’ படத்தில் நடிக்கவுள்ளார். இப்படமே விஜய் நடிக்கும்  கடைசி படம் என அவர் அறிவித்து இருந்தார். அதற்கடுத்து முழுவதும் அரசியல் பணியில் ஈடுப்படவுள்ளதாக கூறியிருந்தார்.

GOAT

‘தளபதி 69’ படத்தை தீரன், துணிவு போன்ற அட்டகாசமான படங்களை இயக்கிய எச்.வினோத் இயக்கவுள்ளதாக தகவல் வெளியாகியது. இதனை உறுதி படுத்தும் வகையில் எச்.வினோத் ப்ரீ ப்ரொடக்ஷன் பணிகளில் ஈடுப்பட்டு வருவதாகவும் சென்னையில் ஆபிஸ் போடப்பட்டு உள்ளதாகவும் கூறப்படுகிறது. இதனை சமீபத்தில் எச்.வினோத் ஒரு விருது வழங்கும் விழாவில் கூறினார்.

மேலும் இப்படத்தில் கதாநாயகியாக சமந்தா நடிக்கவுள்ளார். இசையை அனிருத் மேற்கொள்கிறார். பிரபல தயாரிப்பு நிறுவனமான கே.வி.என் நிறுவனம் தயாரிக்கவுள்ளது. சத்யன் சூர்யன் ஒளிப்பதிவை மேற்கொள்கிறார். படத்தின் படத்தொகுப்பாளராக பிரதீப் இ ராகவ் பணியாற்றவுள்ளார் என தகவல்கள் வெளியாகின.


இந்த நிலையில், விஜய் அரசியலில் நுழைந்த பிறகு எடுக்கப்படும் படம் என்பதால் கண்டிப்பாக தளபதி 69 திரைப்படம் அரசியல் பேசும் படமாக இருக்கும் என எதிர்பார்க்கப்பட்டது. ஆனால் எச்.வினோத் கூறுகையில் தளபதி 69 முழுக்க முழுக்க ஒரு கமர்ஷியல் படமாகவே தான் இருக்கும் என தெரிவித்துள்ளார். இதையடுத்து தற்போது இப்படத்தின் போஸ்டர் வெளியிடப்பட்டுள்ளது.

From around the web