‘தளபதி 69’ படத்தில் இணைந்த பான் இந்தியா நடிகர்.. வெளியான அப்டேட்!

‘தளபதி 69’ படத்தில் நடிகர் பாயி தியோல் இணைந்துள்ளதாக தயாரிப்பு நிறுவனம் அதிகாரப்பூர்வமாக அறிவித்துள்ளது.

நடிகர் விஜய் தற்போது வெங்கட் பிரபு இயக்கத்தில் ‘கோட்’ படத்தில் நடித்துள்ளார். இப்படம் வெளியாகி மக்களிடம் மாபெரும் வரவேற்பை பெற்று வெற்றி பெற்றுள்ளது. அடுத்ததாக விஜய் நடிக்கும் ‘தளபதி 69’ படத்தில் நடிக்கவுள்ளார். இப்படமே விஜய் நடிக்கும்  கடைசி படம் என அவர் அறிவித்து இருந்தார். அதற்கடுத்து முழுவதும் அரசியல் பணியில் ஈடுப்படவுள்ளதாக கூறியிருந்தார்.

‘தளபதி 69’ படத்தை தீரன், துணிவு போன்ற அட்டகாசமான படங்களை இயக்கிய எச்.வினோத் இயக்க உள்ளார். மேலும், இப்படத்திற்கு அனிருத் இசையமைக்க உள்ளதாகவும், மோகன்லால், சமந்தா, சிம்ரன், மமிதா பைஜு ஆகியோர் முக்கிய கதாபாத்திரங்களில் நடிக்க இருப்பதாகவும் தகவல் வெளியாகி உள்ளது. இப்படம் அடுத்தாண்டு அக்டோபர் மாதம் வெளியாகும் என படக்குழு அறிவித்துள்ளது.

இப்படத்தை பிரபல தயாரிப்பு நிறுவனமான கே.வி.என் நிறுவனம் தயாரிக்க உள்ளது. இந்த நிறுவனத்தின் முதல் தமிழ் படம் இதுவாகும். இன்று மாலை 5 மணி முதல் வருகிற 3-ம் தேதி வரை இப்படத்தில் நடிக்க உள்ள சக நடிகர்கள் மற்றும் நடிகைகள் குறித்த அறிவிப்பு வெளியாகும் என்று படக்குழு அறிவித்திருந்தது.

100% official now, Super happy & excited to announce that @thedeol joins #Thalapathy69 cast 🔥#Thalapathy69CastReveal#Thalapathy @actorvijay sir #HVinoth @anirudhofficial @Jagadishbliss @LohithNK01 pic.twitter.com/KKCfaQZtON

— KVN Productions (@KvnProductions) October 1, 2024

இந்த நிலையில், எச்.வினோத் - விஜய் கூட்டணியில் உருவாகும் திரைப்படத்தில் நடிக்கவுள்ள நடிகர்கள் குறித்த அறிவிப்பில், முதல் நடிகராக பாபி தியோல் இணைந்துள்ளதை தயாரிப்பு நிறுவனம் அதிகாரப்பூர்வமாக அறிவித்துள்ளது. மேலும், இப்படத்தில் நடிகர்கள் பிரகாஷ் ராஜ், பூஜா ஹெக்டே, பிரியாமணி மற்றும் மமிதா பைஜூ இணைந்துள்ளதாகவும் கூறப்படுகிறது.