‘விடாமுயற்சி’ படத்தில் இணைந்த மற்றுமொரு பிரபலம்.. ஒரே மாதிரியான போஸ்டரால் அப்செட்டான ரசிகர்கள்!

By A1webteam A1webteam Aug 16, 2024, 13:55 IST
Vidaamuyarchi

அஜித் நடித்து வரும் விடாமுயற்சி படத்தில் முக்கிய கதாபாத்திரத்தில் நடிக்கும் நிகில் நாயர் கதாபாத்திரத்தின் புதிய போஸ்டர் ஒன்றை படக்குழு வெளியிட்டுள்ளது.

‘துணிவு’ படத்தின் வெற்றியை தொடர்ந்து மகிழ் திருமேனி இயக்கத்தில் ‘விடாமுயற்சி’ படத்தில் நடிகர் அஜித் நடித்து வருகிறார். இப்படத்தில் அவருக்கு ஜோடியாக திரிஷா நடிக்கிறார். அஜித்தின் 62-வது ஆக்ஷன் படமாக இது உருவாகி வருகிறது. இப்படத்தில் வில்லனாக ஆக்ஷன் கிங்  அர்ஜுன் மற்றும் ஆரவ் நடிக்கின்றனர் இவர்களுடன்  நடிகைகள் ரெஜினா கசாண்ட்ரா, பிரியா பவானி ஷங்கர் உள்ளிட்ட பலர் நடித்து வருகின்றனர். இப்படத்தை லைகா நிறுவனம் சார்பில் சுபாஸ்கரன் தயாரிக்கிறார். அனிருத் இசையமைக்கிறார்.

Vidaamuyarchi

இதன் படப்பிடிப்புகள் கடந்த ஆண்டு அக்டோபர் மாதம் அஜர்பைஜானில் தொடங்கியது. அதன் பின் வடமாநிலம் உள்ளிட்ட பல்வேறு இடங்களில் இதன் படப்பிடிப்பு நடந்து வந்தது. சிறு இடைவேளைக்கு பின் நடிகர் அஜித் குமாரின் ‘விடாமுயற்சி’ படப்பிடிப்பு அஜர்பைஜானில் மீண்டும் தொடங்கியது. படத்தின் சண்டை காட்சிகள் படமாக்கப்படும் வீடியோவை பகிர்ந்து அஜித்குமாரின் மேலாளர் சுரேஷ் சந்திரா அப்டேட் கொடுத்தார்.

சமீபத்தில் படத்தின் ஃபர்ஸ்ட் லுக் போஸ்டரை படக்குழுவினர் வெளியிட்டனர். அதைத் தொடர்ந்து இரண்டு போஸ்டர்களை  வெளியிட்டனர். சமீபத்தில் திரிஷா மற்றும் அஜித் இணைந்து  இருக்கும் ஒரு விண்டேஜ் லுக் போஸ்டரை படக்குழுவினர் வெளியிட்டனர். கடந்த சில மாதங்களாக இந்த படத்தின் படப்பிடிப்பு அஜர்பைஜானில் நடைபெற்று வந்த நிலையில் இறுதிக்கட்ட படப்பிடிப்பு ஐதராபாத்தில் நடைபெற்று வருகிறது.


இந்த நிலையில், படத்தில் முக்கியமான கதாபாத்திரத்தில் நடிக்கும் நிகில் நாயர் தோற்றம் குறித்த போஸ்டரைப் படக்குழு வெளியிட்டுள்ளது. போஸ்டர் வெளியிட்டதை பார்த்த ரசிகர்கள் எப்போ பார்த்தாலும் ஒரே மாதிரியான போஸ்டர்-ஆ எனவும், ‘இதோ உங்களுக்காக அசர்பைசான் ரோட்டில் இருந்து  என்றும், இனிமே அப்டேட் வேண்டாம் ஆள விடுங்க டா சாமி என்பது போலவும் கூறி வருகிறார்கள். மேலும், படத்திலிருந்து அடுத்த அப்டேட்டாக ரிலீஸ் தேதி குறித்த அறிவிப்பு வெளியாக அதிக வாய்ப்புகள் உள்ளதாகவும் கூறப்படுகிறது.

From around the web