நடிகை அதிதி ராவை கரம்பிடித்தார் நடிகர் சித்தார்த்.. குவியும் வாழ்த்துகள்!
நடிகர் சித்தார்த் மற்றும் நடிகை அதிதி ராவ் திருமணம் முடிந்த நிலையில் புகைப்படங்கள் சமூக வலைதளங்களில் வைரலாகி வருகிறது.
2003-ல் ஷங்கர் இயக்கத்தில் வெளியான ‘பாய்ஸ்’ படத்தின் மூலம் தமிழ் சினிமாவில் அறிமுகமானவர் சித்தார்த். தனது அசாத்தியமான நடிப்புத் திறமையால் பல முன்னணி இயக்குநர்கள் படங்களில் நடித்துள்ளார். கடந்த ஆண்டு சித்தார்த் தயாரித்து நடித்த ‘சித்தா’ திரைப்படம் அவருக்கு மிகப்பெரிய வெற்றிப் படமாக அமைந்தது.
காற்று வெளியிடை படத்தின் மூலம் ஹீரோயினாக தமிழில் அறிமுகமான அதிதி ராவை காதலித்து வந்த நிலையில், சமீபத்தில் 400 ஆண்டுகள் பழமையான குலதெய்வ கோவிலில் வைத்து தங்களுக்கு நிச்சயதார்த்தம் முடிந்ததாக அறிவித்தார். இதனையடுத்து, இவர்களது திருமணத்தை எதிர்நோக்கி அவர்களது ரசிகர்கள் காத்திருந்தனர்.
இந்நிலையில், இருவருக்கும் சொந்த பந்தங்கள் முன்னிலையில் திருமணம் நடைபெற்று முடிந்துள்ளது. இது தொடர்பான புகைப்படங்களை இருவரும் தங்கள் இன்ஸ்டாகிராம் பக்கத்தில் பகிர்ந்துள்ளனர். அதிதி ராவ், நடிகர் சித்தார்த்தை கரம்பிடித்ததையடுத்து அவர்களுக்கு திரைபிரபலங்கள், ரசிகர்கள் வாழ்த்து தெரிவித்து வருகின்றனர்.