வரும் திங்கள் முதல் தமிழகத்தில் சிறப்பு ரயில்கள் இயக்கம்.. ரயில்வே வாரியம் ஒப்புதல் !
கொரோனா பரவல் அதிகம் இருந்த காரணத்தால் தமிழகத்திற்கான ரயில்சேவையை ரத்து செய்யுமாறு மத்திய அரசுக்கு கோரிக்கை விடுக்கப்பட்டிருந்தது.
இதன்படி இந்தியாவின் மற்ற மாநிலங்களுக்கு மட்டுமே ரயில் சேவை செயல்படுத்தப்பட்டு வந்தது. தற்போது ஏசி இல்லாத 4 சிறப்பு ரயில்களை இயக்குமாறு ரயில்வே வாரியத்திடம் தமிழக அரசு கோரிக்கை விடுத்திருந்தது.
தமிழகத்தின் கோரிக்கையை ஏற்ற இந்தியன் ரயில்வே ஜூன் 1 ஆம் தேதி முதல் தமிழகத்திற்கு 4 சிறப்பு ரயில்களை இயக்க ஒப்புதல் அளித்துள்ளது.
கோவை – மயிலாடுதுறை, மதுரை – விழுப்புரம், திருச்சி – நாகர்கோவில், கோவை – காட்பாடி ஆகிய வழித்தடங்களில் சிறப்பு ரயில்கள் இயக்கப்படும் என இந்தியன் ரயில்வே அறிவித்துள்ளது.