லியோ FDFS-வில் திருமணம்.. காதலியை கரம்பிடித்த விஜய் ரசிகர் நெகிழ்ச்சி! வைரல் வீடியோ

புதுக்கோட்டையில் லியோ படத்தின் முதல் காட்சியை பார்க்க வந்த ரசிகர் ஒருவர் தியேட்டரிலேயே தன் காதலிக்கு மோதரம் அணிவித்து திருமண நிச்சயம் செய்துகொண்டார்.

நடிகர் விஜய் நடிப்பில் வெளியாகி உள்ள படம் ‘லியோ’. லோகேஷ் கனகராஜ் இயக்கியுள்ள இந்த படத்தை செவன் ஸ்கிரீன் ஸ்டூடியோஸ் சார்பில் லலித் குமார் தயாரித்துள்ளார். இந்தப் படத்தில் நடிகர் அர்ஜுன், பாலிவுட் நடிகர் சஞ்சய் தத், நடிகை த்ரிஷா, நடிகை பிரியா ஆனந்த், மன்சூர் அலிகான், இயக்குநர் மிஸ்கின், இயக்குநர் கௌதம் வாசுதேவ் மேனன், டான்ஸ் மாஸ்டர் சாண்டி, மலையாள நடிகர் மேத்யூ தாமஸ் உள்ளிட்ட பலர் நடித்துள்ளனர்.

தமிழ்நாடு முழுவதும் இன்று காலை 9 மணிக்கு ரிலீஸானது. அப்படத்தை ரசிகர்கள் திருவிழா போல் கொண்டாடி வருகின்றன. புதுக்கோட்டையில் லியோ படம் ரிலீசான தியேட்டரில் ஒரு சுவாரஸ்ய சம்பவம் அரங்கேறி உள்ளது. நடிகர் விஜய்யின் தீவிர ரசிகர் ஒருவர், தியேட்டரில் வைத்து தனது காதலியை கரம்பிடித்து உள்ளார். இருவரும் தியேட்டரில் மோதரம் மாற்றி திருமணம் நிச்சயம் செய்துகொண்டனர்.

புதுக்கோட்டை விஜய் மக்கள் இயக்க மாவட்டத்தலைவர் முன்னிலையில் இந்த திருமண நிச்சயதார்த்தம் நடைபெற்றது. லியோ படத்தின் போது தான் திருமணம் செய்துகொள்ள வேண்டும் என தான் 8 மாதமாக காத்திருந்து இன்று நிச்சயதார்த்தம் செய்துகொண்டதாகவும், நாளை திருமணம் செய்துகொள்ள இருப்பதாகவும் விஜய்யின் தீவிர ரசிகரான வெங்கடேஷ் கூறினார்.