மக்களே முதல்ல இதை படிங்க... 14 நாட்கள் விடுமுறை.. வாடிக்கையாளர்களே வங்கி பணிகளை திட்டமிட்டுக்கோங்க!!

ஆகஸ்ட் மாதத்தில் வார இறுதி நாட்கள் மற்றும் பண்டிகைகள் உட்பட 14 நாட்கள் வங்கிகள் இயங்காது என அறிவிக்கப்பட்டுள்ளது.

இந்தியாவில் உள்ள அனைத்து அரசு மற்றும் தனியார் வங்கிகளும் ரிசர்வ் வங்கியின் கீழ் தான் இயங்கி வருகின்றன. மேலும், வங்கிகளுக்கு ஒவ்வொரு மாதமும் எந்தெந்த நாட்கள் விடுமுறை என்பது குறித்தான அறிவிப்பையும் ரிசர்வ் வங்கி தான் அறிவிக்கிறது. வழக்கமாக ஒவ்வொரு மாதமும் வங்கிகளுக்கு விடப்படும் விடுமுறைகளை ரிசர்வ் வங்கி அந்த மாதம் துவக்கத்திலேயே அறிவிப்பது வழக்கம் ஆகும்.

பொதுமக்கள் தங்களது வரவு - செலவு கணக்கு, பணத்தை டெபாசிட் செய்வது, எடுப்பது, லோன் உள்ளிட்ட தேவைகளுக்காக வங்கிகளை நாடி வருகின்றனர். எனினும் வங்கி பணி நாட்கள் எது என்று தெரியாமல் விடுமுறை நாட்களில் வங்கிக்கு சென்று திரும்புவதும் நடைபெறுகிறது. இதனால், வங்கி விடுமுறை நாட்களை ரிசர்வ் வங்கி முன்கூட்டியே அறிவித்து வருகிறது.

அந்த வகையில் பொது விடுமுறை, வார இறுதி விடுமுறை, பண்டிகை கால விடுமுறை என மாதந்தோறும் பல நாட்களுக்கு வங்கிகள் அடைக்கப்பட்டிருக்கும். இந்த விடுமுறைகள் அனைத்தும் ஒவ்வொரு மாநிலத்துக்கும் வேறுபடுவது உண்டு. ஆகஸ்ட் மாதத்தில் சுமார் 16 நாட்களுக்கு வங்கிகள் அடைக்கப்படும் என தெரிவிக்கப்பட்டுள்ளது.

ஆகஸ்ட் மாத வங்கி விடுமுறை பட்டியல்:

ஆகஸ்ட் 6, 2023 - ஞாயிற்றுக்கிழமை
ஆகஸ்ட் 8, 2023 - செவ்வாய்க்கிழமை - டெண்டாங் லோ ரம் ஃபாத் (கேங்டாக்)
ஆகஸ்ட் 12, 2023 - சனிக்கிழமை - 2வது சனிக்கிழமை
ஆகஸ்ட் 13, 2023 - ஞாயிற்றுக்கிழமை
ஆகஸ்ட் 15, 2023 - செவ்வாய்க்கிழமை - சுதந்திர தினம் (நாடு முழுவதும்)
ஆகஸ்ட் 16, 2023 - புதன்கிழமை - பார்சி புத்தாண்டு (பேலாபூர், மும்பை மற்றும் நாக்பூர்)
ஆகஸ்ட் 18, 2023 - வெள்ளிக்கிழமை - ஸ்ரீமந்த சங்கரதேவரின் திதி (கவுகாத்தி)

ஆகஸ்ட் 20, 2023 - ஞாயிற்றுக்கிழமை - விநாயகர் சதுர்த்தி
ஆகஸ்ட் 26, 2023 - சனிக்கிழமை - 4வது சனிக்கிழமை
ஆகஸ்ட் 27, 2023 - ஞாயிற்றுக்கிழமை
ஆகஸ்ட் 28, 2023 - திங்கட்கிழமை - முதல் ஓணம் (கொச்சி மற்றும் திருவனந்தபுரம்)
ஆகஸ்ட் 29, 2023 - செவ்வாய்க்கிழமை - திருவோணம் (கொச்சி மற்றும் திருவனந்தபுரம்)
ஆகஸ்ட் 30, 2023 - புதன்கிழமை - ரக்சா பந்தன் (ஜெய்ப்பூர் மற்றும் ஸ்ரீநகர்)
ஆகஸ்ட் 31, 2023 - வியாழக்கிழமை - ரக்ஷா பந்தன்/ஸ்ரீ நாராயண குரு ஜெயந்தி/பாங்-லாப்சோல் (கேங்டாக், டேராடூன், கான்பூர், கொச்சி, லக்னோ மற்றும் திருவனந்தபுரம்)