9-ம் வகுப்பு மாணவர்களுக்கு ‘டேட்டிங்’ பாடம்.. விளக்கம் அளித்த CBSE!

9-ம் வகுப்பு பாடப் புத்தகத்தில் டேட்டிங் குறித்த பாடம் இடம் பெற்றுள்ள விவகாரம் தொடர்பாக எழுந்த சர்ச்சைக்கு சிபிஎஸ்இ விளக்கம் அளித்துள்ளது.

மத்திய இடைநிலை கல்வி வாரியமான சிபிஎஸ்இ 9-ம் வகுப்பு பாட புத்தகத்தில் ‘டேட்டிங் மற்றும் உறவுகள்’ என்ற தலைப்பில் பாடம் இடம்பெற்றதாக செய்தி சமூக வலைதளங்களில் வேகமாக பரவுகின்றன. இதை எதிர்த்து கல்வியாளர்கள் உட்பட பல்வேறு தரப்பினரும் தங்கள் கருத்துகளைத் தெரிவித்து வருகின்றனர். மேலும், பதின்பருவ மாணவர்களுக்கு இத்தகைய பாடம் அவசியமில்லை. எனவே, அவற்றை நீக்க வேண்டும் எனவும் கோரிக்கைகள் எழுந்துள்ளன.

அதே சமயம் ஒரு சிலர், இந்த பாடப்பிரிவில் நவீன காலத்தில் இளம்பருவத்தினர் இடையே ஏற்படும் காதல் மற்றும் இணைய நட்பு, இணையதள காதல், சீண்டல் உள்ளிட்டவற்றை விளக்கமாக மாணவர்களுக்கு புரியும் வகையில் அறிவுரைகள் வழங்கப்பட்டுள்ளதாக தெரிவித்துள்ளனர்.