செப்டம்பரில் 16 நாட்கள் விடுமுறை.. வாடிக்கையாளர்களே வங்கி பணிகளை திட்டமிட்டுக்கோங்க!!

செப்டம்பர் மாதத்தில் வார இறுதி நாட்கள் மற்றும் பண்டிகைகள் உட்பட 16 நாட்கள் வங்கிகள் இயங்காது என அறிவிக்கப்பட்டுள்ளது.

இந்தியாவில் உள்ள அனைத்து அரசு மற்றும் தனியார் வங்கிகளும் ரிசர்வ் வங்கியின் கீழ் தான் இயங்கி வருகின்றன. மேலும், வங்கிகளுக்கு ஒவ்வொரு மாதமும் எந்தெந்த நாட்கள் விடுமுறை என்பது குறித்தான அறிவிப்பையும் ரிசர்வ் வங்கி தான் அறிவிக்கிறது. வழக்கமாக ஒவ்வொரு மாதமும் வங்கிகளுக்கு விடப்படும் விடுமுறைகளை ரிசர்வ் வங்கி அந்த மாதம் துவக்கத்திலேயே அறிவிப்பது வழக்கம் ஆகும்.

பொதுமக்கள் தங்களது வரவு - செலவு கணக்கு, பணத்தை டெபாசிட் செய்வது, எடுப்பது, லோன் உள்ளிட்ட தேவைகளுக்காக வங்கிகளை நாடி வருகின்றனர். எனினும் வங்கி பணி நாட்கள் எது என்று தெரியாமல் விடுமுறை நாட்களில் வங்கிக்கு சென்று திரும்புவதும் நடைபெறுகிறது. இதனால், வங்கி விடுமுறை நாட்களை ரிசர்வ் வங்கி முன்கூட்டியே அறிவித்து வருகிறது.

அந்த வகையில் பொது விடுமுறை, வார இறுதி விடுமுறை, பண்டிகை கால விடுமுறை என மாதந்தோறும் பல நாட்களுக்கு வங்கிகள் அடைக்கப்பட்டிருக்கும். இந்த விடுமுறைகள் அனைத்தும் ஒவ்வொரு மாநிலத்துக்கும் வேறுபடுவது உண்டு. செப்டம்பர் மாதத்தில் சுமார் 16 நாட்களுக்கு வங்கிகள் அடைக்கப்படும் என தெரிவிக்கப்பட்டுள்ளது.

செப்டம்பர் மாத வங்கி விடுமுறை பட்டியல்:

செப்டம்பர் 3, 2023 - ஞாயிற்றுக்கிழமை
செப்டம்பர் 6, 2023 - புதன்கிழமை - ஸ்ரீகிருஷ்ண ஜென்மாஷ்டமி (புவனேஸ்வர், சென்னை, ஐதராபாத் மற்றும் பாட்னா)
செப்டம்பர் 7, 2023 - வியாழக்கிழமை - ஸ்ரீ கிருஷ்ண ஜென்மாஷ்டமி (அகமதாபாத், சண்டிகர், டேராடூன், காங்டாக், தெலுங்கானா, ஜெய்ப்பூர், ஜம்மு, கான்பூர், லக்னோ, ராய்ப்பூர், ராஞ்சி, ஷில்லாங், சிம்லா மற்றும் ஸ்ரீநகர்)
செப்டம்பர் 9, 2023 - சனிக்கிழமை - 2வது சனிக்கிழமை
செப்டம்பர் 10, 2023 - ஞாயிற்றுக்கிழமை
செப்டம்பர் 17, 2023 - ஞாயிற்றுக்கிழமை
செப்டம்பர் 18, 2023 - திங்கட்கிழமை - வரசித்தி விநாயக விரதம், விநாயக சதுர்த்தி (பெங்களூரு மற்றும் தெலுங்கானா)

செப்டம்பர் 19, 2023 - செவ்வாய்க்கிழமை - விநாயகர் சதுர்த்தி (அகமதாபாத், பேலாப்பூர், புவனேஸ்வர், மும்பை, நாக்பூர் மற்றும் பனாஜி)
செப்டம்பர் 20, 2023 - புதன்கிழமை - விநாயக சதுர்த்தி மற்றும் நுவாகை (கொச்சி மற்றும் புவனேஸ்வர்)
செப்டம்பர் 22, 2023 - வெள்ளிக்கிழமை - ஸ்ரீ நாராயண குரு சமாதி தினம் (கொச்சி, பனாஜி மற்றும் திருவனந்தபுரம்)
செப்டம்பர் 23, 2023 - சனிக்கிழமை - 4வது சனிக்கிழமை
செப்டம்பர் 24, 2023 - ஞாயிற்றுக்கிழமை
செப்டம்பர் 25, 2023 - திங்கட்கிழமை - ஸ்ரீமந்த் சங்கர்தேவ் பிறந்த தினம் (கவுகாத்தி)
செப்டம்பர் 27, 2023 - புதன்கிழமை - மிலாட்-இ-ஷரீப் (ஜம்மு, கொச்சி, ஸ்ரீநகர் மற்றும் திருவனந்தபுரம்)
செப்டம்பர் 28, 2023 - வியாழக்கிழமை - ஈத்-இ-மிலாத் (அகமதாபாத், பெங்களூர், சென்னை, கான்பூர், லக்னோ, மும்பை மற்றும் புது டெல்லி)
செப்டம்பர் 29, 2023 - வெள்ளிக்கிழமை - ஈத்-இ-மிலாத்-உன்-நபி (கேங்டாக், ஜம்மு மற்றும் ஸ்ரீநகர்)