தை பொங்கலுக்கு 20 பொருட்கள் அடங்கிய தொகுப்பு - முதல்வர் மு.க.ஸ்டாலின் அறிவிப்பு

பொங்கல் பண்டிகைக்கு 20 பொருட்கள் அடங்கிய சிறப்பு தொகுப்பு வழங்கப்படும் என்று முதல்வர் மு.க.ஸ்டாலின் அறிவித்துள்ளார்.

2022-ம் ஆண்டு பொங்கல் பண்டிகையை சிறப்பாக கொண்டாடும் வகையில் 20 பொருட்கள் அடங்கிய சிறப்பு தொகுப்பு, அரிசி குடும்ப அட்டைதாரர்களுக்கும், இலங்கைத் தமிழர் மறுவாழ்வு முகாம்களில் வசிக்கும் குடும்பங்களுக்கும் வழங்கப்படும் என்று  முதல்வர் மு.க.ஸ்டாலின் அறிவித்துள்ளார்.

இதுதொடர்பாக தமிழ்நாடு அரசின் சார்பில் வெளியாகியிருக்கும் ஆணையில், “பச்சரிசி, வெல்லம், முந்திரி, திராட்சை, ஏலக்காய், பாசிப்பருப்பு, நெய், மஞ்சள் தூள், மிளகாய் தூள், மல்லித்தூள் வழங்கப்படும்; கடுகு, சீரகம், மிளகு, புளி, கடலைப்பருப்பு, உளுந்தம்பருப்பு, ரவை, கோதுமை, உப்பு” ஆகிய பொருட்களும் வழங்கப்படும் என்று அதில் தெரிவிக்கப்பட்டுள்ளது.

இதன்படி 2,15,48,060 குடும்பங்களுக்கு மொத்தம் ரு.1,088 கோடி ரூபாய் செலவில் வழங்கப்படும் என்றும் முதல்வர் தனது ஆணையில் குறிப்பிட்டுள்ளார்.