கடையை திறந்து வைத்து கடமையை செய்ய விடாமல் போலீசாரை தடுத்தனர்! நீதிமன்றத்தில் மாவட்ட எஸ்.பி. அறிக்கை!!

சாத்தான்குளம் மார்க்கெட் பகுதியில் செல்போன் கடை நடத்தி வந்த ஜெயராஜ் இரவில் கடையைத் திறந்து வைத்திருந்தாகவும் போலீசாருடன் வாக்குவாதத்தில் ஈடுபட்டதால், விசாரணைக்காக அழைத்துச் சென்றுள்ளனர். தேடிச் சென்ற மகன் பென்னிக்ஸ் ஐயும் சேர்த்து சாத்தான்குளம் போலீசார் கைது செய்தனர், கோவில்பட்டி கிளைச் சிறையில் அடைக்கப்பட்டவர்கள் ஒருவர் பின் ஒருவராக இறந்துவிட்டனர். ஜெயராஜின் மனைவி மதுரை உயர்நீதிமன்ற கிளையில் வழக்கு தொடர்ந்தார். மதுரைஉயர்நீதிமன்ற கிளையும் தாமாக முன்வந்து விசாரிக்கவும் முடிவு செய்தது. வழக்கை நீதிபதிகள் பி.என்.பிரகாஷ், புகழேந்தி ஆகியோர் விசாரித்தனர்.