அமெரிக்காவில் விமானமும் காரும் நேருக்கு நேர் மோதி விபத்து.. அதிர்ச்சி வீடியோ!

அமெரிக்காவில் விமானம் அவசரமாகத் தரையிறங்க முயன்ற போது ஓடுபாதையில் இருந்து விலகி சாலையில் சென்ற கொண்டிருந்த கார் மீது மோதி விபத்துக்குள்ளான சம்பவம் பரபரப்பை ஏற்படுத்தியுள்ளது.

அமெரிக்காவின் டெக்ஸாஸ் மாகாணத்தில் உள்ள மிட்லேண்ட் என்ற இடத்தில் இருந்து வந்த சிறிய ரக விமானம், டல்லாஸ் புறநகர்ப் பகுதியான மெக்கின்னியில் அவசரமாகத் தரையிறங்க முயன்றது. இதில் ஓடுபாதையில் இருந்து விலகிய அந்த விமானம், வேலியை உடைத்துக் கொண்டு சாலையின் பக்கம் திரும்பியது.

அதே நேரத்தில் சாலையில் வந்து கொண்டிருந்த காரும், விமானமும் நேருக்கு நேர் மோதி விபத்துக்குள்ளாயின. இந்த விபத்தில் காயமடைந்த கார் ஓட்டுநர் மருத்துவமனையில் அனுமதிக்கப்பட்டு உள்ளார். விபத்துக்கான காரணம் குறித்து விசாரித்து வருவதாக விமானப் போக்குவரத்துத் துறை அதிகாரிகள் தெரிவித்துள்ளனர்.

சனிக்கிழமை நடந்த சம்பவத்தின் வீடியோ காட்சிகள் தற்போது வெளியாகி உள்ளது. அதில், ப்ரொப்பல்லர் விமானம் அவசரமாக தரையிறங்கியபோது வேலி வழியாக நொறுக்கப்பட்டதைக் காட்டுகிறது, அது சாலையில் விலகி, அது விமானத்தின் பாதையில் சென்று கொண்டிருந்த சில்வர் செடான் மீது மோதியது.