செல்ஃபி எடுத்த இளம் பெண் மீது மோதிய ரயில்.. துருக்கியில் பயங்கரம்.. வைரல் வீடியோ!
துருக்கியில் ரயில் தண்டவாளம் அருகே இளம்பெண் ஒருவர் செல்பி எடுத்த போது அவரை ரயில் மோதும் வீடியோ காட்சி இணையத்தில் வைரலாகி வருகிறது.
துருக்கியின் அடானாவில் உள்ள பொசான்டி மாவட்டத்தில் உள்ள பெலேமெடிக் இயற்கை பூங்காவில், அந்தப் பெண் தனது நண்பர்களுடன் புகைப்படம் எடுத்துக் கொண்டிருந்தபோது, ரயில் ஒன்று அவரது கையில் மோதியது. இது தொடர்பான வீடியோ தற்போது வேகமாக இணையத்தில் பரவி வருகிறது.
அந்த வீடியோவில், அந்த பெண் மற்றும் பலர் தண்டவாளத்தில் இருந்து சில அங்குலங்கள் நின்று கொண்டு, ரயில் சீறிப்பாய்ந்தபோது காற்றில் தங்கள் கட்டைவிரலை உயர்த்தியதைக் காணலாம். ரயில் வேகமாகச் சென்றபோது அந்தப் பெண் வலியால் விலகிச் செல்கிறாள்.
குழுவின் மற்றொரு உறுப்பினர் அவளைச் சரிபார்க்க அணுகும் முன், அவள் அதிர்ச்சியிலும் துயரத்திலும் சரிந்து விழுவதைக் காணலாம். காயம்பட்ட கையை பரிசோதிக்கும் போது அந்த பெண்ணை நண்பர்கள் ஆறுதல்படுத்துவதுடன் வீடியோ முடிவடைகிறது.
உள்ளூர் ஊடகங்களின்படி, அந்தப் பெண் அவரது நண்பர்களால் மருத்துவமனைக்கு கொண்டு செல்லப்பட்டார். அங்கு அந்த பெண்ணுக்கு சிகிச்சை அளிக்கப்பட்ட பின் அவள் மருத்துவமனையில் இருந்து டிஸ்சார்ஜ் செய்யப்பட்டாள்.