உடல் எடையை விரைவாக குறைக்க வேண்டுமா..? அப்போ இந்த பழங்களை சாப்பிடுங்க!

உடல் எடையை குறைப்பது தான் இன்றைக்கு பலரது மில்லியன் டாலர் கேள்வியாக இருக்கிறது. உடற்பயிற்சி, உணவுக்கட்டுப்பாடு என எல்லாவற்றையும் தாண்டி நீங்கள் அன்றாடம் எடுத்துக் கொள்ளும் உணவு அதிக புரோட்டீன் சத்து கொண்ட அதே நேரத்தில் குறைவான கொழுப்புச் சத்து கொண்ட உணவாக இருக்க வேண்டும்.

நமக்கு தேவையான கலோரிகள் போக மீதமிருக்கும் கலோரிகள் கொழுப்பாக மாறிடுகின்றன. அந்த கலோரியை எரிக்க போதுமான உடற்பயிற்சிகளை மேற்கொள்ள வேண்டும். மாறாக தொடர்ந்து இப்படி கலோரி சேரும் பட்சத்தில் அவை கொழுப்பாக மாறி உடல் எடையை அதிகரிக்கச் செய்கிறது. இதனை தவிர்க்க நீங்க என்ன உணவு சாப்பிடுகிறீர்கள் என்பது மிகவும் முக்கியம். உடல் எடையை குறைக்க ஒரு வழியை இந்த பதிவில் காணலாம். 

பழங்கள் பெரும்பாலும் உணவின் ஒரு பகுதியாக பார்க்கப்படுகின்றன. இவற்றில் பல ஊட்டச்சத்துக்கள் உள்ளன. அவை ஆரோக்கியத்தை பராமரிக்கின்றன. மேலும் உடலை நோய்களிலிருந்து விலக்கி வைப்பதில் பழங்கள் பயனுள்ளதாக இருக்கும். இவற்றில் சில பழங்கள் குறிப்பாக கொழுப்பை எரிக்க உதவுகின்றன. தொப்பையில் சேர்ந்துள்ள கொழுப்பை கரைத்து உடல் எடையை குறைக்க விருப்பம் உள்ளவர்கள் சில பழங்களை உட்கொண்டால், கண்டிப்பாக எடை குறையும். அந்த பழங்களை பற்றி இந்த பதிவில் காணலாம். இந்த பழங்களை வெறும் வயிற்றில் சாப்பிட ஆரம்பிக்கலாம்.

பப்பாளி:

உடல் எடையை குறைக்க பப்பாளியை வெறும் வயிற்றில் சாப்பிடலாம். பப்பாளியில் உள்ள பப்பைன் என்சைம் ஆரோக்கியத்திற்கு மிகவும் நல்லது. வெறும் வயிற்றில் இதை சாப்பிட்டால், கொழுப்பு எரிய ஆரம்பிக்கும். இதில் நல்ல அளவு வைட்டமின் ஏ, சி மற்றும் ஈ உள்ளது.

வாழைப்பழங்கள்:

வாழைப்பழம் சாப்பிடுவதால் உடல் எடை அதிகரிக்கும் என்று அடிக்கடி சொல்லப்படுகிறது, ஆனால் இது முற்றிலும் உண்மை இல்லை. வாழைப்பழத்தை போதுமான அளவிலும், குறைந்த அளவிலும் சாப்பிட்டால், அவை எடையைக் குறைப்பதில் அற்புதமான விளைவை ஏற்படுத்தும். தினமும் காலையில் வெறும் வயிற்றில் வாழைப்பழம் சாப்பிட்டால் வித்தியாசத்தை நீங்களே பார்க்கலாம். வாழைப்பழத்தில் பொட்டாசியம், இயற்கையான சர்க்கரை மற்றும் கார்போஹைட்ரேட் உள்ளது.

ஆப்பிள்:

அனைவரும் சாப்பிட பரிந்துரைக்கும் பழம் ஏதேனும் இருந்தால், அந்த பழம் ஆப்பிள்தான். பெக்டினுடன், ஆப்பிளில் அதிக அளவு நார்ச்சத்தும் உள்ளது. இது எடை இழப்புக்கு மிகவும் நன்மை பயக்கும். ஆரோக்கியமான ஆன்டி-ஆக்ஸிடன்ட்களும் இதில் உள்ளன.

தர்பூசணி:

எடை குறைக்கும் பழங்களில் தர்பூசணியும் சேர்க்கப்பட்டுள்ளது. இது நீர்ச்சத்து நிறைந்த பழமாகும், இது உடலில் நீர் பற்றாக்குறையை அனுமதிக்காது. தர்பூசணியில் உள்ள ஆன்டி-ஆக்ஸிடன்ட்டுகள் சருமத்தையும் பாதுகாக்கும். இதை தினமும் சாப்பிட்டு வந்தால் வயிறு குறையும்.

பேரிக்காய்:

பேரிக்காய் நல்ல செரிமானத்தை பெறுவதற்கும் எடை இழப்பை பராமரிப்பதிலும் நல்ல விளைவைக் கொண்டுள்ளது. பேரிக்காயில் நார்ச்சத்து அதிகம் உள்ளதால், அதை சாப்பிட்டால், நீண்ட நேரம் வயிறு நிரம்பி இருப்பதோடு, அதிகமாக, தேவையற்ற உணவை சாப்பிடுவதையும் நாம் தவிர்க்கலாம். 

அவகேடோ:

அவகேடோ பழத்தில் எடையை குறைக்கும் பல கூறுகள் உள்ளன. இதை உட்கொள்வது பல நாள்பட்ட நோய்களின் அபாயங்களிலிருந்து பாதுகாக்கிறது.